English
Māori
Mō mātou

Kaupapa mō te Ārai i te Patu Tūkino Whānau

Te kaupapa Kāore i te Pai

He kaupapa huri whanonga ā-hapori te kaupapa Kāore i te Pai i whakarewahia i te tau 2007. Ko ngā karere hira o tēnei wāhanga tōmua o te kaupapa ko te ‘Kāore te Patu tūkino whānau i te Pai engari He Pai te Tono Āwhina’ me te ‘He Pai te Āwhina’.

Mai i te whakarewatanga o te kaupapa, he nui ake ngā tāngata o Aotearoa kei te rapu āwhina, ā, he nui ake ngā tāngata e whakapono ana ka taea e rātau te āwhina ētahi atu kia rerekē.

Mai i te tau 2019 e whakahau tonu ana te kaupapa i ngā hapori ki te whakaiti i te patu tūkino whānau me te whakakaha i tōna aronga ki te ārai i te patu tūkino a te tāne, koinei te hunga he nui ake te whakamamae.

Ko te whāinga o te rautaki hou o te kaupapa ko te ‘He Aotearoa haumaru ake, e nui ake ai te tāne kua mutua te patu tūkino.

Ngā rauemi me ngā mahi whai ake

Ka tū he paetukutuku mō te kaupapa Kāore i te Pai ā kō ake nei.

Ka kitea e koe ētahi o ngā rangahau o te kaupapa mai i te paetukutuku o mua ki tēnei whārangi.

Ka taea ngā ataata te toro atu mai i te hongere TiriAta o te kaupapa.

Kāore ngā rauemi mō te kaupapa Kāore i te Pai i te wātea mō te tono, engari ka hoki mai te rōpū ā kō ake nei me ngā utauta hou me ērā kua whakahoutia hei āwhina i a koe ki te tautoko i tō hapori.

Mēnā he pātai āu, me whakapā mai ki: areyouok@msd.govt.nz