Takatāpui me te hunga āniwaniwa

Te mārama ki te patu tūkino whānau i roto i ngā hononga āniwaniwa

I te maha o ngā hononga āniwaniwa ka kitea te manaakitanga, te hari me te haumaru – he mea nui ēnei i te mea kāore e tino manaakitia Ngā takatāpui me te hunga āniwaniwa nā tō rātau āhua.

Engari, ka pā pea mai te patu tūkino hanau me te tūkino i roto i ngā tūmomo hononga ahakoa he aha. Ā, ahakoa pea ka pā mai ngā momo patu tūkino whānau ki Ngā takatāpui me te hunga āniwaniwa i roto i ō rātau hononga, ka pā pea ki a koe ngā tūkino tauwhāiti e pā ana ki tō tuakiri, manakohanga hōkakatanga rānei.

Ka pā mai pea tēnei mai i:

• ngā hoa whakaipo, ai rānei (me ngā hoa o mua)
• tō whānau ake (te hunga i pakeke mai koe)
• tō whānau kua tangohia e koe (te hunga kua tangohia e koe hei whānau mōu)
• te hunga e noho ana koe.

He mea nui te kite mēnā kāore he mea i te tika i roto i ō hononga me te mōhio ki hea rapu tautoko. Kāore i te pai ngā momo whanonga e noho kore haumaru koe, whakamamae rānei i a koe.

Ngā whakaaro kino mō ngā hononga āniwaniwa

I ētahi ka uaua ake i ngā whakaaro kino mō ngā hononga āniwaniwa te kōrero mō te tūkino, ā, ka uaua ake te rapu āwhina.

Ko ētahi tauira ina kī te tangata:

• tē taea e te wahine te tūkino te tangata, tē taea rānei e te tāne te tūkino te tāne
• te harawene me te aukati i tō whai wā ki te hunga e mate nui ana koe nā tōna “tino aroha ki a koe”
• nā tōna whetuki te kaupapa mō te tūkino i roto i tētahi hononga
• kāore i te haumaru tō whai, i runga i te whakaae, me te matatika ngā hoa maha
• i pā mai te patu tūkino i roto i tētahi hononga i te mea he Takatāpui, he āniwaniwa rānei te tangata.

Kia maumahara, he pōhēhē ēnei whakaaro. E kore rawa e pai te patu tūkino i roto i ngā hononga āniwaniwa. Ka tika kia haumaru koe i waenga i te hunga e tata ana koe.

Me toro atu ki tētahi tangata e pono ana koe

Mēnā ka whakatau koe ki te rapu āwhina, me toro atu ki tētahi tangata e pono ana koe.

Me tono āwhina koe i tētahi tangata e pono ana koe me ngā āhuatanga tauwhāiti pērā i te:

• whakamahi i tana waea, rorohiko rānei ki te kimi i ētahi atu rauemi, tāngata hei waea atu
• waea atu, ki te kite mēnā ka tukuna e ngā whakahaere tautoko e tata ana ki a koe ngā rātau māu
• whai kī tuarua mō te waka, he waea tuarua, he moni tāpiri, ngā kape o ngā tuhinga hira, ngā rongoā me tētahi pāhi mō te pō i tōna kāinga mōu kia wawe ai tō wehenga
• whai i a koe ki te kite i tētahi whakahaere tautoko.

Ngā ratonga tautoko

Mēnā ka whakatau koe ki te toro atu ki tētahi ratonga tautoko, he mea nui kia kitea e koe te ratonga tika mōu.

Mēnā kei te awangawanga koe mēnā ka taea e tētahi ratonga patu tūkino whānau koe te āwhina, tirohia ēnei pātai mai i Hohou Te Rongo Kahukura. Ka āhei koe, tō kaitautoko rānei te pātai atu ina whakapā atu ki tētahi ratonga.

E wātea ana ngā tautoko mā Ngā takatāpui me te hunga āniwaniwa ma:

OutLine

Me waea atu ki OutLine i 0800 688 5463 / 0800 OUTLINE ki te kimi korero mō nga whakahaere tautoko āniwaniwa o te rohe. Ka taea pea e ēnei whakahaere koe te āwhina i a koe ki te kimi mātanga haumaru i roto i ngā whakahaere patu tūkino whānau. I te nuinga o te wā, kua pātaitia kētia atu ēnei pātai ki a rātau mō te ratonga, ā, mā rātau pea e waea atu mōu.

Police Diversity Liaison Officers (DLOs)

Ka takawaenga ngā DLO i waenga i ngā Pirihimana me Ngā takatāpui me te hunga āniwaniwa. Me whakapā atu ki Police Diversity Liaison Officers mā te īmēra ki te tono ka pēhea mai te urupare a ngā Pirihimana.

Me whakapā atu ki ngā umanga patu tukino whanau

Me whakapā mai mā te matapihi kōrerorero, waea rānei ki 0800 456 450 ki te kōrero ki tētahi ngaio matatau mō te patu tūkino whānau.

Kia maumahara, mēnā he ohotata, me waea atu ki 111.

Ka taea e koe te whakapā tonu atu ki ngā ratonga, me kirimuna rānei. Ka taea e koe te waea atu ki tētahi ratonga i tōu ake rohe, i tētahi atu rohe rānei mēnā kei te māharahara koe kei mōhio tō hapori.

Ka kitea he rārangi o ngā rauemi mō ngā hononga āniwaniwa, haere ki te rārangi rauemi a te Kōtuinga Ārai Patu Tūkino Āniwaniwa.