English
Māori
Tiki tautoko

Taupānga Bright Sky

E whakarato ana te taupānga Bright Sky i ngā tautoko me ngā mōhiohio haumaru, whaikiko mō te hunga e māharahara ana mō te patu tūkino whānau, kei te māharahara rānei mō tō rātau ake haumaru, tētahi rānei e mate nui ana rātau.

Ko ētahi āhuahira o te taupānga ko:

  • Ngā mōhiohio mō ngā momo tūkino rerekē
  • Ngā mātai take e whakarato ana i ngā tauira ao tūturu mō te āhua o ngā momo tūkino rerekē
  • He āhuahira tuhitaka haumaru e taea e koe te tuku whakaaturanga (pērā i ngā whakaahua, ngā manatu reo, ērā mea) ki tētahi wāhitau īmēra, te whakakore i te hiahia ki te rokiroki mōhiohio ki tō pūrere, ki ō tuemi tuku o ō īmēra rānei
  • He kairoro e āwhina ana i a koe ki te tātari i ngā whanonga mahi kino kei te pā ki a koe i roto i tō hononga
  • Ngā mōhiohio mō ngā ratonga tautoko ā-rohe, ā-motu hoki. Ka taea e koe te rapu mā te wāhi o tō pūrere mēnā ka whakaratoa e koe, mā te waehere pōhi/wāhi
  • Ngā mōhiohio me ngā āwhina me pēhea e haumaru ake ai i runga ipurangi
  • He āhuahira e haumaru ake te taupānga ki runga i tō pūrere

Me tikiake i te taupānga Bright Sky i konei

He taupānga koreutu te Bright Sky e wātea ana hei tikiake i rō pātaka taupāngare

Bright Sky NZ  kei te Pātaka Taupānga (apple.com)

Bright Sky NZ - Ngā taupānga i Google Play

 

Me tikiake anake i tēnei tapanga mēnā ki ōu whakaaro he haumaru tēnei mōu.

Mēnā kei te āta tirotiro he tangata i tō pūrere, he mōhio rānei ki te pānui i te hītori, te kōnae keteroki rānei o tō rorohiko (ngā whārangi tukutuku kua tiakina aunoatia me ngā whakairoiro), ka kitea pea e ia ngā mōhiohio i tirohia e koe i nā tata nei ki te ipurangi.

Ka kitea e koe ētahi atu mōhiohio mō te whakamahi haumaru i tēnei paetukutuku me te tirotiro i te haumaru ki te whārangi Te whakamahi haumaru i tēnei paetukutuku.

I pēhea tā mātau kawe mai i te taupānga ki Aotearoa

I mahi ngātahi mātau me Te Rourou hei whakaputa i te Taupānga Bright Sky i Aotearoa. I hangaia a Bright Sky i te Hononga o Ingarangi e te Vodafone Foundation Group i te taha o ngā tūmomo kaiwhakarato ratonga patu tukino me te Koeretanga Kino. E wātea ana a Bright Sky i ngā whenua 11 ināianei, ā, neke atu i te 150,000 ngā tikiake kaiwhakamahi ahurei.

Image of Poster

 

Young woman lying down, looking at phone with a slight frown. Text above her says Sometimes he blocks my bank card. It's nothing really. Underneath her it says It's not nothing with information on how to download the bright sky app.