Ētahi atu ratonga tautoko mō te Patu tūkino Whanau

Ka taea e tō kaitukumahi pea te āwhina

Mēnā kei te raru koe i te patu tūkino whānau, ā, e mahi ana koe i tētahi mahi mō te 6 marama i te iti rawa, ka āhei pea koe ki te whakamatuatanga patu tūkino whānau atu ki te 10 rā. Ka taea hoki te tono mō ngā whakaritenga mahi ngāwari wā poto māu.

Me kōrero ki tō kaiwhakahaere, māngai HR rānei hei tono whakamatuatanga patu tukino whanau, ngā whakaritenga mahi ngāwari rānei.

Mēnā kāore anō koe kia 6 marama koe i tō mahi, he pai tonu te kōrero ki tō kaiwhakahaere mō tōu āhuatanga kia kite ai he aha ngā tautoko e wātea ana.

Te Hepara Pai

Ka taea e Good Shepherd koe te āwhina me ngā whakapātaritari pūtea o te patu tūkino whānau. He kaimahi ā rātau e mātau ana ki ngā āhuatanga pūtea, te taunaki, me te mahi me te hunga kei te pā ki te patu tūkino whānau me te mahi kino ā-pūtea. 

Ko ngā momo whakapātaritari ka āwhina rātau i a koe ko te:

• Whakariterite me ngā kaituku nama ki te whakaiti utunga, te whakakore nama, te whakatau rānei i ngā whakaritenga utunga hou
• Tautoko i ngā kiritaki ki te toro atu ki ngā whakaratonga mō ngā uauatanga patu tūkino.
• Taunaki mō ngā kiritaki ki ngā kaituku nama, te mana tiaki take pēke me ētahi atu
• Tautoko ki te tono kiritaki ki tētahi tari tōtika mēnā e hiahiatia ana
• Tuku i tētahi taiao haumaru mō ngā kiritaki hei wherawhera i ngā uauatanga o te mahi kino ā-pūtea
• Āwhina i ngā kiritaki kia motuhake ake ā-pūtea me te whakahaere i ā rātau ake pūtea

Mēnā e hiahia ana koe ki te kōrero mō tētahi māharahara me waea atu ki 0800 466 370 kōwhiringa 4 ki te kōrero ki tētahi tangatato, or te whakaoti rānei i tētahi puka tuihono kei tā rātau paetukutuku.

MoneyTalks

He uauatanga ngā moni me ngā pūtea ka pā mai i roto i ngā hononga. Mēnā he māharahara ōu mō te āhua o te whakahaere a tō hoa i tō hononga, kei te hiahia rānei koe ki te kōrero ki tētahi tangata mō te hanga mahere mō te anamata, e wātea ana ētahi ratonga koreutu.

Me whakapā atu ki te waea āwhina pūtea a MoneyTalks  ki te kōrero ki tētahi kaiako pūtea matatau hei tuku tohutohu koreutu me te matatapu me te tūhono i a koe ki ngā ratonga kei tō takiwā.

Ka tūhono hoki a MoneyTalks i te tangata ki ngā puna kai o te rohe, te āwhina ki te wherawhera i ngā hātepe a Te Hiranga Tangata me te tautoko i a rātau ki te whakahaere i ā rātau pūtea.

• Waea koreutu: 0800 345 123
• Patowaea: 4029
• Īmēra: help@moneytalks.co.nz
• Te kōrerorero tuihono me ētahi atu mōhiohio: www.moneytalks.co.nz

Haumaru tuihono

Te pūtirotiro tūmataiti (e kīia ana ko te incognito browsing)

Ka āraia e te pūtirotiro tūmataiti, aratau hunatuakiri rānei tō pūtirotiro ipurangi mai i te rokiroki i tō hītori ipurangi ki tō pūrere.

Mēnā kei te māharahara koe mō te uru a tētahi atu ki tō rorohiko he pai ake pea mōu ki te whakamahi i tētahi rorohiko i te whare pukapuka, i te whare o tētahi hoa, i te mahi rānei.

He kōrero atu anō hei pānui māu me pēhea te tūhono haumaru ki te paetukutuku a Netsafe i konei.

Rapu me pēhea te whakamahi haumaru i tēnei paetukutuku i konei.

Netsafe

He whakahaere kaupapa aroha a Netsafe e arotahi ana ki te haumaru tuihono. Ka āwhina a Netsafe i te tangata kia noho haumaru i runga ipurangi mā te tuku mātauranga haumaru tuihono, ngā tohutohu me ngā tautoko. Ka āwhina rātau me ngā raru tuihono pērā i te whakaweti me te tūkino, ngā tāware, te tūkino ā-atahanga, me te haumaru tuihono me te pūrere.

E wātea ana te pokapū whakapā a Netsafe mai i 8am–8pm i ngā rā mahi me ngā mutunga wiki 9am–5pm me ngā hararei tūmatanui.

• Waea koreutu ki 0508 NETSAFE,  0508 638 723 rānei
• Īmēra help@netsafe.org.nz
•  Whakaotihia he puka whakapā tuihono 
• Patowaea ‘Netsafe’ ki 4282
• www.netsafe.org.nz

Ngā Whakatau Haumaru Pirihimana – Whakatau Whakamarutanga, Whakatau Pirihimana, Pānui aurara

Ka taea e ngā pirihimana te tuku ngā momo whakatau rerekē hei tiaki i a koe mai i tētahi tangata tūkino.

Whakatau Whakamarutanga

Ka tukuna he Whakatau Whakamarutanga e tētahi kōti. He tuku whakamarutanga ā-ture mai i ngā mahi a tētahi tangata tūkino e whai hono piri ana ki a koe. Kei roto i tētahi Whakatau Whakamarutanga ko ngā here kore-Patu tūkino me te kore-whakapā.

Ka āhei te tangata ahakoa ko wai ki te tono mō tētahi Whakatau Whakamarutanga. Me whakapā atu ki tētahi rōia, he ratonga whare whakaruruhau rānei. Ka taea e koe te pānui mō te tiki whakatau whakamarutanga i te paetukutuku a Ngā Pou Whakawhirinaki o Aotearoa.

Mēnā kāore e ea i a koe he rōia, ka taea pea e koe te whiwhi āwhina ture. Kāore koe e mate ki te utu i ngā āwhina ture mō tētahi Whakatau Whakamarutanga.

Te Whakatau Haumaru Pirihimana 

Mā Ngā Whakatau Haumaru Pirihimana ka āhei ngā pirihimana ki whakawātea mai i te tangata mai i tētahi papanoho. Ka āhei ngā pirihimana ki te whakamahi i tētahi Whakatau Haumaru mēnā e whakapono ana rātau ki te kore e whakawāteahia te tangata ka pā mai he raruraru nui, engari kāore i te nui ngā whakaaturanga hei mauhere i a ia.

Ehara i te mea me whiwhi whakaae ngā Pirihimana mai i te tangata e noho mōrea ana kia tukuna te whakatau. Ka uhia hoki e te whakatau ngā here kore whakapā me te kore patu tukino engari me ū te whakatau.

Kei ngā pirihimana te mana ki te whakawātea i te tangata i te papanoho mō te wā atu ki te 10 rā, engari i te 1–2 rā i te nuinga o te wā.

Pānui aurara

Ka āhei koe ki te tono i te tangata kia wehe i tō papanoho, te tuku pānui ā-tuhi rānei ki a ia kia wehe.

Ehara i te mea me tuku ā-tuhi te pānui ki a ia, engari he whaitake mēnā ka kī ia kāore ia i te mōhio i te hiahia koe kia wehe atu ia. Ka āhei koe ki te tuku i te pānui ki ōna waewae mēnā kāore e whakaaetia e ia.

Mēnā ka hoki mai ia ki tō papa noho, kāore e wehe rānei, kua hara ia, ā, me waea atu ki ngā Pirihimana.

Rapu mōhio atu anō o ngā Pānui aurara kei te paetukutuku a ngā Pirihimana

Te pūrongo i te takahi i te whakatau

Ka taea e koe te pūrongo tētahi takahitanga o tētahi Whakatau Whakamarutanga, te Whakatau Haumaru Pirihimana, te Pānui aurara rānei mā te:

• waea ki 111, 105 rānei
• te haere ki te taupaepae o tētahi teihana pirihimana.  Te rapu i tō teihana pirihimana tūtata
• te whakapā atu ki Aukati Takahi Ture mā tā rātau paetukutuku

Whānau Protect

He ratonga whakamarumarutanga me te haumaru a Whānau Protect mō ngā pārurenga nui te mōrea o te patu tūkino whānau. E whakarato ana a Whānau Protect i ngā tautoko me ngā rauemi mā ngā pārurenga me ā rātau tamariki kāore i te hiahia, kāore e taea rānei, te wehe i ō rātau kāinga.

He ratonga ono marama a Whānau Protect, ā, kei roto ko tētahi pūoho haumaru e āta tirotirohia ana me ngā whakapaitanga ki te haumaru kāinga. Ina tangi te pūoho, kāore e whakamōhiotia atu ngā pirihimana, ā, ka tīmataria e te mīhini te hopu i te ororongo.

Me rapu mōhio anō koe mō Whānau Protect ki te paetukutuku a te Women’s Refuge

Te Hiranga Tangata

Mēnā kei te noho koe, kei te wehe rānei koe i te Patu tūkino Whānau me whakapā atu koe ki Te Hiranga Tangata. He kaimahi mātanga ā Te Hiranga Tangata kei ia rohe hei āwhina i a koe ki te toro atu ki ngā ratonga tautoko tika, e ai ki tō hiahia. Arā pea, ko:

• ngā āwhina pūtea kia tū pakari anō koe — tae atu ki ngā utunga takuhe, ngā āwhina me ngā utu wāhi noho, ngā takuhe hiahia motuhake
• ngā āwhina ki te kimi wāhi kē atu hei hono — tae atu ki ngā mōhiohio mō ngā kōwhiringa whare noho i tō rohe, ā, mēnā e hiahiatia ana, he aromatawai mō te whare noho pāpori
• te tono i a koe ki tētahi atu ratonga tautoko me ngā tari ka taea te āwhina.

Rapu kōrero atu anō mō ngā tautoko ka whiwhi koe i Te Hiranga Tangata