O e iai i se mafutaga faaulugalii e sauaina pe e te iloa se isi o iai i se mafutaga faaulugalii o sauaina?

Gaioiga e fai pe a lamatia vave lou soifua

Afai ua lamatia lou soifua, e sili atu ona tāua lou saogalemu. Vili Leoleo pe talanoa i se tasi e te faatuatuaina e maua ai lou saogalemu.

Vili le 111 ma talosaga ai mo Leoleo Faailoa i le tagata le gagana e te manao ai ma faailoa le igoa Faaperetania e mafai ai ona latou fesoasoani atu i le mea o e manao ai.

Afai e lē o mafai ona e tautala, oomi le 55. Faalogo i faatonuga. A fesootai loa lau telefoni i se tasi, o le a fesili atu le tagata i fesili e tali i le ioe po o le leai ma e tatau ona e oomi le ki o le telefoni e fai ai lau tali.

Vili se tasi e te faatuatuaina e maua ai lou saogalemu

Vili le Are You OK Helpline i le 0800 456 450 e maua ai tomai faapitoa e maua ai faamatalaga ma lagolagosua, ma e tuu atu ia te oe le faitalia i le mea e te manao e fai, e aofia ai le maua o fesoasoani mai le nofoaga o e nofo ai. O le laina telefoni lea e maua ai faamatalaupu.

O foliga o sauaga i aiga

E lē na o le tino e sauaina i sauaga i totonu o aiga. E aofia ai ma sauaga i faalogona, faaupuga, mafaufauga, feusuaiga ma tupe.

E masani i tagata o iai i mafutaga faaulugalii e sauaina ona manatu faapea:

• “E lē o taimi uma e tupu ai, e alofa pea ia te aʻu”
• “Ta te lagona lava le faavalea o aʻu — Matuaʻi oʻu lē mautonu lava”
• “O tulaga e masani ai pe a e faaipoipo"
• “O laʻu tane ma o lana aiatatau”
• “Ou te fefe i le mea e tupu pe a ou alu ese” po o le
• “Pei uma lava o aʻu e sese”.

E lē tuuaia oe — aua e te tuua le avanoa i se tasi e faaoo ai le tiga ia te oe, ma e tatau ona e maua le saogalemu.

Tulafono i Sauaga i Aiga i totonu o Niu Sila.

I totonu o Niu Sila o se solitulafono sauaga i aiga ma e lē tusa ai ma le tulafono so o se tasi na sauaina se isi i le tino, faaupuga, feusuaiga po o le mafaufau. E aofia ai tamaiti o feagai pe o vaai pe o faalogo i nei ituaiga sauaga.

O nei sauaga e aofia ai se taimi e tasi po o le tele o taimi e aliae ai uiga masani (tusa lava pe afai o uiga uma po o nisi lava o uiga nei, na vaaia e aunoa ma ni molimau, ma e foliga o ni uiga faatauvaa).

O nei sauaga e ono fai i se auala pulepuletutu pe puleaina ma/po o le faateteleina ona afaina ai se tasi.

O se solitulafono foi sauaga e soona fai ai meatotino i totonu o Niu Sila ma e aofia ai sauaga e fesootai ma mea ua tuuina atu po o mea na maua e tusa ma se vaega o se feagaiga o se faaipoipoga po o faaipoipoga o tapena atu i ai.

Matou te malamalama o se tulaga e matuaʻi faigata ma faaosofia ai le palaai, ae o lo o maua le fesoasoani. Talosaga mo se fesoasoani po o nisi faamatalaga.

Nofoaga e maua ai le fesoasoani

Are You OK Helpline – 0800 456 450 24/7 e maua ai tomai faapitoa e maua ai faamatalaga ma lagolagosua, ma e tuu atu ia te oe le faitalia i le mea e te manao e fai, e aofia ai le maua o fesoasoani mai le nofoaga o e nofo ai. O le laina telefoni lea e maua ai faamatalaupu.

NCIWR – 0800 REFUGE (0800 733 843) 24/7 mo tamaitai ma tamaiti o feagai ma sauaga i aiga, e aofia ai lagolagosua malosi ma apitaga.

Shine – 0508 744 633 24/7 Fesoasoani agatapuia mo tagata o feagai ma sauaga i aiga po o sauaga, po o popole i se isi tagata, ma tagata o faia sauaga ua mananao e fai se suiga. E mafai foi ona latou fesootai oe i isi auaunaga mo lagolagosua pe a e moomia.

Shakti – 0800 SHAKTI (0800 742 584) 24/7 laina telefoni e eseese gagana e maua ai mo tamaitai ua iai i se tulaga pagatia po o moomia vave faamatalaga po o i latou o iloa se tasi o feagai ma sauaga i aiga ma e moomia le fesoasoani.