Kia mohia, Kia marama i ngā mahi Patu Tūkino

Te whakahau me ngā whakatuma

Ko te whakahau, ngā whakatuma rānei ko te whakapakepake i a koe ki te mahi i tētahi mahi, te aukati rānei i a koe mā te ringa ū, mā te whakatuma hoki/rānei. Ka aro pea ki tērā e hira ai ki a koe, e herea ai koe ānō kāore ō mana, ō kōwhiringa, tō kaha rānei ki te tuku i āu ake whakatau.

He momo tūkino te noho taratahi ina aukatia koe e te tangata mai i te whai hononga ki ngā hoa, te whānau, tō hapori rānei. Ka riro pea māna e kī me pēhea tō whakawhitiwhiti ki ētahi atu tāngata, ko te mutunga atu pea ka kaha rawa tō whakawhirinaki ki a ia.

Tūkino Whatumanawa

Ko te tūkinotanga o te Whatumanawa he momo ahua, kia mataku, kia rangirua, kia ruarua hinengaro. Kaore pea e patu ana i tou aka tinana, engari ko ngā korero a-waha, kore reo o ranei kei kona tonu ko te ngau o te mamae ki te hinengaro, te riri me to pouri.

I tētahi hononga tūkino whatumanawa ka pōhēhē pea koe kāore he putanga mōu, kāore rānei he oranga mōu mena kore whai hoa. Ka whakaiti haere pea te pānga tūkino whatumanawa haere ki tō mana, ā, ko te mutunga atu pea ka whakapono koe ki ana kōrero kāore ō take, kāore koe e whakaponohia, kāore rānei koe e arohia e te tangata engari ko ia anake.

Te tūkino ā-pūtea

Ko te tūkino pūtea ko te whakahaere a te tangata tūkino, ka whakamātau rānei ki te whakahaere i te mana pūtea o te tangata. Tērā pea ko te whakahau i a koe kia whakawhirinaki ki a ia mō te taha pūtea mā te whakahaere i ngā rawa pūtea, te kaiponu hoki/rānei i ngā moni.

Ina whakaitia, whakakāhore, uapare rānei te tangata i a koe mō ngā āhuatanga, he momo tūkino tēnei. Tērā pea ko tana parepare atu i ngā mea whakararuraru i a koe, e whakataruna ana kāore i pērā, ka kī rānei nōu kē te hē mō tētahi mea kino i pā ki a koe.

Ko te koeretanga ko tētahi mahi ai kāore i te hiahiatia, tae atu ki te pāwhera, te taitōkai me te mahi whakaito mā ngā kupu me ngā pikitia. Mēnā kāore i te whakaaetia, kua pēhia rānei koe, kua whakatumahia koe ki te whakaae, ko te taitōkai tēnei.

Ka whakamahia pea e te tangata i ō tamariki hei pera i te taputapu hei whakahaere, hei whakamamae, kia ‘noho iti tonu’ rānei koe. Ka whakamahia pea e ia ngā tamariki kia tipu ai te rīriri, te patu rānei i a koe, te aukati rānei i tō whai i ngā mea pai rawa e ai ki ō whakaaro mō ō tamariki.

He momo tūkino te whakaataata ina patu tūkino koe ki te mahi i tētahi mahi e hiahia ana koe mā te whakamataku i a koe.

Ko te tūkino tinana ko te Patu hara ki t tinana , te whakamamae rānei a te tangata i tō tinana. Ka tīmata atu pea me tētahi mea iti, pērā i te pei, te mamau rānei, engari ka kino haere kē atu tae atu ki te patu, te whana, te nanati rānei. Ka mataku pea koe ki a ia kei whakamamaetia anōtia koe.

Ina puta he kōrero, he mahi rānei a te tangata hei patu i tō wairua, te huna rānei i tō ira tangata/tuakiri hōkakatanga, he mahi tūkino tēnei. Ka pēhia pea koe ki ngā āhuatanga whakaparahako, whakaiti rānei i tō ira tangata/tuakiri hōkakatanga.

Whiwhi painga

Ko te whiwhi painga te huanga kei te hunga nō ētahi rōpū pāpori tauwhāiti i runga ake i ētahi atu nō rōpū pāpori kē. Ka whakamahia pea e te tangata tōna whiwhi painga i te mea tāne ia, nō tētahi mātāwaka ake, ahurea ake rānei (hei tauira, whiwhi painga kirimā), irapūmau (ko te tuakiri ira tangata o te tangata e hāngai ana ki tōna ira tangata whānautanga), he tangata pakari rānei.

Ina whakamahia e te tangata te whiwhi painga i roto i te iwi whānui hei patu i a koe, he momo tūkino tēnei. Ahakoa ka pā tonu te hunga whiwhi painga ki ngā uauatanga i roto i ō rātau ao, he mea nui te mōhio he mea tūturu te whiwhi painga.