Ngā tauārai mō te rapu haumaru mai i te patu tūkino whānau
Me mārama ki te take kāore e whai te hunga kei te pā ki te patu tūkino whānau i te āhuatanga haumaru. Anei ētahi pūtake pea kāore e wehe, tē taea rānei, i tētahi āhuatanga tūkino.
Kāore i te haumaru ki te rapu āwhina
Kāore pea e haumaru mō ētahi tāngata kei te pā ki te patu tūkino whānau ki te kōrero ki ētahi atu tāngata, ratonga rānei kei tino hē kē atu te āhuatanga. I whakawehia pea te tangata, ana tamariki, ana mōkai rānei e tana hoa mēnā ka rapu tautoko te tangata. E mataku ana kei mōhio tana hoa mēnā ka rapu āwhina ia.
Mēnā kāore te āwhina kua tukuna i te haumaru, ka nui ake pea te mōrea ki te tangata kei te tūkinohia.
Kāore i te hiahia kia mutu te hononga
Mēnā kei te hiahia tonu koe ki tētahi hononga ehara i te mea kei te kōwhiri koe kia tūkinohia ia. Kei te aroha tonu ia ki tana hoa me te hiahia kia rerekē ia. Kei a ia te tikanga mō ana whakatau mō tōna hononga.
Kua roa pea rāua ko tana hoa. Kua roa e whai ana rāua, he tamariki ā rāua, he kāinga, he hoa hoki. Ahakoa kei te tūkinohia i roto i tētahi hononga, he uaua pea te wehe i tērā hononga.
Kāore pea he rawa a te tangata hei wehe
Nā te kore pūtea kua kore te tangata e wehe i tana hoa patu tūkino. Ko tana hoa pea te kaiwhiwhi moni whiwhi matua i te whare, ka tangohia pea ana moni, ka whakatiki rānei i tana āhei atu ki ngā moni. Kāore pea he moni hei utu i ngā mea waiwai pērā i te kai, te tūnuku, he wahi noho, te tiaki tamariki, ngā kākahu, me ngā ratonga ture.
Kāore pea e pono ki ngā ratonga me ngā pūnaha
Kāore pea te hunga kei te pā ki te patu tūkino whanau e pono ki ngā ratonga tautoko pērā i ngā Pirihimana, te Kōti Whānau rānei. Mēnā he kino te ratonga, ngā mōhiohio rānei i whiwhi rātau i mua, kua kore pea e hiahia ki te rapu āwhina anō.
Ka mataku pea he tangata nō tāwāhi ki te rapu tautoko ia ka whakararu i tōna tūnga hekenga. Ka mataku pea tētahi matua ka mate ia ki te whakapā haere tonu ki tana hoa patu tūkino nā tētahi whakatau tiaki tamariki.
Ka mataku pea ia ki te whakautu a te tangata
Kāore pea te hunga e tata ana ki te tangata kei te pā ki te patu tukino whanau i te mārama ki te uauatanga o te āhuatanga. Mēnā kāore te tangata i te mōhio he pēhea rawa te patu tukino whānau me te āhua o tōna kino, kei tahuri pea ia ki te whakapae i te pārurenga me te whakawā i a ia.
Ka mataku anō pea te hunga kei te pā ki te patu tukino ki te whakautu a tō rātau hapori. Kāore pea ngā tāngata o te hapori e whakapono ki a rātau, ka tītaha kē atu pea ki te tangata tūkino – otirā mēnā kua wehea kētia atu pea ia e tōna hoa.
Ko tōna pōhēhē pea ehara tōna āhuatanga i te tino kino
Kāore pea te hunga kei te pā ki te patu tūkino whānau e rapu tautoko, e wehe rānei i tō rātau hoa nā ō rātau pōhēhē mō tō rātau āhuatanga.
Kāore pea i te tino kino ki a rātau tō rātau āhuatanga mō te rapu tautoko, otirā mō ngā āhuatanga he iti te patu tukino whanau.
Kāore rātau i paku aha nā te kaniawhea pea, te whakamā rānei. Nā te kaha whakamā pea ōna e tūkinohia ana ia kāore e tono āwhina, kei te kaniawhea rānei mō te mutunga o te hononga.
Me manawanui, ā, mēnā ka taea, me noho wātea
Me tuku i ngā āwhina ka taea e koe, ā, kaua e whakawā. Arā anō ngā kōrero hei pānui mō te tautoko i te tangata kei te pā ki te patu tukino ā-whare mā te hono i raro:
Picture
