He Patu Tūkino whānau tāku e kite ana?

Picture

Te tūkino whatumanawa me te tūkino hinengaro — ētahi tohu ka kitea pea koe

Ka kitea pea e te hunga e arohatia ana koe tētahi huringa kua tauira ina tūkino te āhua o te hononga o tētahi hoa, whanaunga rānei, ahakoa e kaha ana etahi tangata kia huri ke, whakaro kia huna, ai nga mahi tukino. Ka kitea pea koe ‘kua rerekē te āhua’ o te tangata.

Kua rerekē pea ia, tōna āhua rānei

Kua wahangū ake, kua kore e putaputa, kua rerekē tōna āhua — te āhua o ōna kākahu, te kawe i a ia rānei. Tērā pea kua kore e putaputa — ka whakakorehia pea e ia ngā haerenga kua whakaritea e koe mō kōrua, kāore rānei he moni — mō ngā mea taketake hoki.

Kua rāhuitia pea ia, kei te whakahaerehia rānei

Ka mate pea ia ki te pātai ki tana hoa, ka mate pea ki te hoki tonu atu ki te kāinga i ngā wā katoa, kua noho wehe, kua noho taratahi rānei mai i tōna whānau me ōna hoa otirā mai i ngā mea pērā i ngā huihuinga a te whānau, kua heke te kaha o ana mahi i te mahi.

Koinei ētahi tohu pea

Ehara tēnei rārangi i te katoa. Ka mutu, kāore pea koe e kite ana i ēnei momo mea, engari ka kite i ētahi atu. Kāore rānei pea koe i te tau.

Me whai whakaaro pea koe ki te katoa o tōna whare hoki. Kua kite anō koe i ēnei huringa i roto i ngā tamariki?

Tūkino tinana – ngā tohu me ngā mōrea

He tohu wharanga pea ō te hunga kei te tūkinohia ā-tinana, kāore rānei. Ka hunaia pea e rātau ō rātau wharanga, ka tūkinohia rānei e te nanakia kia kore ai e tino kitea.

I te nuinga o te wā ka whakaatu hoki te hunga e tūkinotia ā-tinana i ngā tohu o tūkino whatumanawa.

Mēnā ka mōhio te nanakia i tahuri he tangata ki te āwhina i tōna hoa, ka ngana pea ki te whiu i a ia.

Mēnā e patu tūkino te nanakia, ka mōrea pea anō koe ki te patu tukino.

Te tūkino ā-pūtea

Mēnā ka whakatikia, ka aukatia rānei tana whai wāhi ki ngā moni, ki ngā mea taketake rānei pea i te kai, ngā kākahu me te tūnuku, kei te pā pea ia ki te tūkino ā-pūtea.

He maha ngā āhuatanga o te tūkino ā-pūtea, ā, kāore e tino kitea tēnei pērā i ētahi atu āhuatanga. Kei roto pea ko:

• Te whakahaere i ngā moni, ētahi atu rawa pūtea rānei, hei tauira, te uta i tōna ingoa ki runga i ngā kaute pēke.
• Te whakapau i ngā moni a tōna hoa.
• Te tūkino i ngā taonga, ngā rawa rānei.
• Te nama i raro i te ingoa o tana hoa.
• Te ārai i te whai mātauranga, mahi rānei a tana hoa.
• Te kaiponu i ngā utunga tautoko tamariki.

Mēnā e hiahia ana te tangata ki te wehe i tētahi hoa tūkino, kāore e taea mēnā he kore moni, ā, ko te mutunga atu ka whakawhirinaki ki a rātau. He mea nui te rapu tautoko mō te tūkino ā-pūtea me ētahi atu momo pēhi.

He pai ake te pātai i te noho rangirua

Mēnā kei te mōhio tō puku he raruraru engari kāore koe i te tino mōhio, he pai ake te pātai ki te tangata kia haumaru me te kore whakawā, tēnā ki te kore pātai. He pai ake te mōhio ko te whakautu he ‘kāo’, tēnā ki te kite kei te tūkinohia engari kāore koe i aro ki tō puku.

Mēnā ka kite koe i ngā tohu o te wharanga, ka tino mōhio ake koe kei te tūkinohia ia, ā, me kōrero koe ki taua tangata. Me mātua whakarite kei te haumaru kōrua.